Віншуем!
29.03.2021
Пераможцы і ўдзельнікі абласнога этапу
рэспубліканскага інтэрнэт-конкурсу літаратурных работ
“Азбука пачуццяў”
у рамках праекту “Script.Art.by”
Дыплом ІІІ ступені
Клютко Мілана
Яскравы Мір Маіх пачуццяў
Я нарадзілася тут,
На “белай зямлі” беларусаў.
Цудоўныя фарбы жыцця
Шчаслівы мне лёс дараваў.
Вось я маленькая тут.
Глядзіце, якая мілота!
Сярод дзьмухаўцоў сяджу
На жоўценькім полі адкрытым.
І весела мне, і цёпленька.
Вецер лагодны гуляецца
З валасамі маімі светлымі.
Сонейка ўсміхаецца…
А вось я ў школу іду
У першы клас – самы лепшы!
Вялізны букет нясу
Настаўніцы нашай першай.
Я радуюся дзясяткам,
Якія напрацавала.
І радуюся сябрам,
З якімі адпачывала.
Сябры мае – лепшыя ў свеце!
Так весела з імі і радасна:
Чытаем мы разам кнігі –
І мары яваю стануцца.
Сям’я мая – тата, і мама,
І брацік-гарэза, любімы.
Займаюць асобнае месца яны
У сэрцы маім шчаслівым.
Цудоўна так на душы!
І хочацца мне ўсміхацца.
Наперадзе ўсё жыццё,
Нам кожны дзень сустракаецца.
Ідзе дзень за днём,
І тыдзень змяняе тыдзень.
У кожны момант жыцця
Старайцеся быць шчаслівым!
Вы скажаце, што не можа
Усё мець ружовы колер,
Усё быць у планах добра.
А я ўсё ж адзначу – можа!
Жыццё, падоранае чалавеку,
Не для ныцця і няшчасцяў,
А для радасці і ўсмешак,
Для адкрыццяў і спадзяванняў.
Умейце бачыць і чуць прыроду.
Умейце слухаць і разумець.
Цаніце родных, блізкіх, любых.
Цаніце ўсё, што жыццё дае!
Аўтар: КлюткоМілана
Кіраўнік:Каліноўская Наталля Васільеўна
Удзельнік
Молаш Ксенія
Я так адчуваю мір
Я бачу казку:
На маю далонь ляцяць сняжынкі
Прыгожым зімнім светлым днём.
Яны, бы таямнічыя іскрынкі,
Завуць мяне ў светлы карагод.
Кружацца, як маленькія пушынкі.
І лёгкім робіцца ўсё:
Зямля, паветра і аблокі,
І нават стан маёй душы.
Смычком краніся –
І напішу я песню
Аб тым, як мару і жыву…
Аўтар: Молаш Ксенія
Кіраўнік: Каліноўская Наталля Васільеўна